iPhone ဝယ်မယ်ဆိုရင် သိထားသင့်တဲ့ eSIM နဲ့ Dual SIM

အခုအချိန်မှာ iPhone ဝယ်မယ်ဆိုရင် ကျိန်းသေပေါက် သိထားသင့်တဲ့အချက်လေးရှိပါတယ်။ ဒါကတော့ SIM Card ထည့်သုံးဖို့အတွက် eSIM (Physical Single SIM) ကို ရွေးချယ်ရမလား၊ Dual SIM (Physical Dual SIM) ကို ရွေးချယ်ရမလားဆိုတာပဲဖြစ်ပါတယ်။

ဒါကြောင့် iPhone တွေထဲမှာ ဒီ eSIM နဲ့ Dual SIM တွေက ဘာတွေကွာခြားသလဲ၊ ဘယ်သူတွေက ဘယ်အမျိုးအစားကို ရွေးချယ်သင့်သလဲဆိုတာကို ပြောပြပေးသွားမှာဖြစ်ပါတယ်။

eSIM က Single SIM ပဲ သုံးနိုင်တာလား

တကယ်လို့ ကိုယ်က Physical SIM Card ကိုပဲ ထည့်သုံးမယ်ဆိုရင်တော့ eSIM Version ကို ရွေးချယ်မယ်ဆိုရင် SIM Card ကို တစ်ကဒ်ပဲ သုံးနိုင်မှာဖြစ်ပါတယ်။ ဒါပေမယ့် eSIM ကိုသုံးမယ်ဆိုရင် Dual SIM အသုံးပြုနိုင်တဲ့နည်းလမ်းလေးတွေရှိပါသေးတယ်။

ဒါကတော့ eSIM ဆိုတဲ့အတိုင် eSIM ကို အသုံးပြုတာပဲဖြစ်ပါတယ်။ လက်ရှိအချိန်မှာ မြန်မာနိုင်ငံ Mobile Operator တွေအများစုကတော့ eSIM ကို Support ပြုလုပ်ထားတာမရှိသေးပေမယ့် တခြားသော နိုင်ငံတွေသွားရောက်ဖို့ရှိနေတာပဲဖြစ်ဖြစ်၊ Virtual SIM တွေကို ဝယ်ယူအသုံးဖို့ဖို့အတွက်ပဲဖြစ်ဖြစ် အသုံးဝင်တာကြောင့် ဒီအချက်ကလည်း ထည့်ပြီး စဥ်းစားသင့်ပါတယ်။

Dual SIM နဲ့ eSIM နဲ့ Region ကွာခြားသလား

Apple ဟာ ပုံမှန်အားဖြင့် တကမ္ဘာလုံးမှာ eSIM ကိုပဲ ထုတ်လုပ်ထားတာဖြစ်ပြီး တချို့သော နိုင်ငံနဲ့ Region တွေမှာပဲ Dual SIM အနေနဲ့ ထုတ်လုပ်ထားတာဖြစ်ပါတယ်။ ဒါကြောင့် Region ပိုင်းအနေနဲ့ကတော့ eSIM နဲ့ Dual SIM ဟာ ကွာခြားမှုရှိနေမှာပါ။

ဒါပေမယ့်လည်း ဒီလိုမျိုး Region ကွာလို့ စိုးရိမ်စရာမရှိဘဲ ပုံမှန်အတိုင်း Apple Official Warranty ကို အပြည့်ရရှိမှာဖြစ်ပါတယ်။ တကယ်လို့ iSure ကနေ iPhone 14 Series ကို ဝယ်ယူတယ်ဆိုရင်လည်း Apple Official Warranty (1) Year အပြင် နောက်ထပ် Warranty (1) Year ကိုပါထပ်မံရရှိနိုင်ဦးမှာပါ။ ကျန်တဲ့ Quality ပိုင်းလည်း အတူတူပဲဖြစ်တာကြောင့် ဒီလိုမျိုး Region ကွာနေတာကလည်း စိုးရိမ်စရာမဟုတ်ပါဘူး။

eSIM နဲ့ Dual SIM မှာ ဘာကိုရွေးချယ်သင့်သလဲ

ဒါကတော့ ကိုယ်သုံးချင်တဲ့အပေါ်မှုတည်ပြီး ရွေးချယ်ရမှာဖြစ်ပါတယ်။ ဒါပေမယ့် ကိုယ့်အနေနဲ့ မြန်မာနိုင်ငံတွင်းမှာပဲ အလုပ်အတွက် SIM တစ်ခုနဲ့ Personal အတွက် SIM တစ်ခုအသုံးပြုချင်တယ်ဆိုရင်တော့ Physical Dual SIM တွေက ပိုပြီးအဆင်ပြေမှာဖြစ်ပါတယ်။

ဒါပေမယ့် SIM Card ကို တစ်ခုပဲ အသုံးပြုနေပြီး Virtual SIM တွေကို အသုံးပြုဖို့ရှိတယ်ဆိုရင်တော့ eSIM ကလည်း အဆင်ပြေမှာဖြစ်ပါတယ်။

တစ်ခုရှိတာကတော့ လက်ရှိမိတ်ဆက်ထားတဲ့ iPhone 14 Series ဖုန်းတွေထဲမှာမှ US Region အလုံးတွေမှာဆိုရင် eSim သီးသန့်ပဲသုံးနိုင်တာဖြစ်လို့ အကယ်၍ US ဘက်ကကိုယ်တိုင်မှာယူတင်သွင်းမယ်ဆိုရင်တော့ ပြည်တွင်းမှာအသုံးပြုလို့မရတာမျိုးတွေရှိလာနိုင်လို့သတိထားသင့်ပါတယ်။

Updated on: 23/11/2022